Ecuria juaj
Merrni certifikatën tuajnga 11 të përfunduara
Përfundoni kursin për të marrë certifikatën tuaj.
Mësimi 5: Produktiviteti toksik
Është e lehtë të njohësh çfarë të largon nga puna në një hapësirë profesionale, por në shtëpi çdo çështje juaja personale ju shpërqendron nga puna; nuk ka kufij të qartë. Ka gjasa që as të mos jeni të vetëdijshëm se disa gjëra mund t'ju pengojnë të keni një ditë produktive. Produktiviteti toksik janë zakonisht faktorë që janë përtej kontrollit tonë. Të qenit i vetëdijshëm dhe njohja e shpërqendrimeve mund t'ju ndihmojë t'i shmangni ato gjatë orëve vendimtare të punës.
Punët e shtëpisë: Punët e shtëpisë janë justifikimi juaj për të shtyrë fillimin e detyrës më të re që po ju rri mbi kokë. Dikur laje rrobat, gatuaje dhe pastroje edhe kur shkoje në zyrë, atëherë pse po ndërhyjnë këto punë në punën tuaj tani? Caktoni një kohë të veçantë për t'i bërë këto punë. Anëtarët e familjes: Askush nuk mund t'i shmangë kur është në shtëpi, sidomos kur keni fëmijë të vegjël që kërkojnë mjaft kohën tuaj. Duhet të jeni i rreptë me kohën tuaj, nëse jeni serioz për të rritur produktivitetin tuaj ndërsa punoni në distancë. Krijimi i një orari dhe gjetja e kohës së lirë të përbashkët është një ide e mirë.
Rraskapitja e energjisë: Është e natyrshme të ndihesh i rraskapitur kur ke punuar vazhdimisht. Të ndiesh rraskapitje të vazhdueshme energjie mund të çojë te produktiviteti negativ. Identifikimi i rraskapitjes është hapi përfundimtar për ta çliruar veten dhe për të pasur një ditë më produktive.
Procese zyre tepër të ndërlikuara: Sistemet dhe proceset komplekse veprojnë si produktivitet toksik. Një detyrë që do të merrte vetëm 15 minuta, ndoshta do të merrte më shumë kohë për t'u përfunduar me procese të panevojshme. Është më mirë t'i rishikoni detyrat herë pas here, për të identifikuar se ku mund të bëhen përmirësime. Nëse ndieni se puna është rraskapitëse dhe jeni vazhdimisht të stresuar, mund të jetë shumë më tepër se një fazë—mund të vuani nga djegia profesionale. Kemi një eBook falas me këshilla nga mbi 80 themelues se si mund ta parandaloni djegien profesionale.
